Azərbaycanda bəzi bankların kart əməliyyatlarında texniki problem yaşanır

“Azərbaycan Beynəlxalq Bankı” (ABB) və “Expressbank” ASC-lərin kart əməliyyatlarında texniki problem yaranb.

“TV1” xəbər verir ki, bununla bağlı banklar mobil tətbiqləri vasitəsilə müştərilərinə bildirişlər göndərib.

“Hazırda 3-cü tərəfli yaşanan texniki çətinliklə bağlı kartlarda əlavə vəsait silinməsi baş verib. Problem yaxın zamanda aradan qaldırılacaq. Anlayışınız üçün təşəkkür edirik!”, – deyə ABB-nin məlumatında qeyd olunub.

ABB-dən “Report”a bildirilib ki, yaxın zamanda vəsaitlər bank hesablarına bərpa olunacaq.

“Expressbank”ın məlumatında da kart əməliyyatları ilə bağlı problemin qısa zamanda həll ediləcəyi bildirilib.