Çempionlar Liqası: "Sabah" "Borussiya Dortmund"a minimal hesabla uduzub
UEFA Çempionlar Liqasının əsas mərhələsində Bakıda keçirilən “Sabah” və “Borussiya Dortmund” (Almaniya) komandaları arasında III turun oyunu başa çatıb.
“TV1” xəbər verir ki, Bakı Olimpiya Stadionunda keçirilən qarşılaşma 1:2 hesabı ilə yekunlaşıb.
Qolları Almaniya təmsilçisinin heyətində 10-cu və 53-cü dəqiqələrdə Seru Girassi, 39-cu dəqiqədə isə “Sabah”ın heyətində Eyden Makkarti vurub.
Bununla da “bayquşlar” Liqa mərhələsində ikinci məğlubiyyəti ilə üzləşiblər.
Komanda ilk matçda İngiltərənin “Mançester Yunayted” klubuna 0:4 hesabı ilə məğlub olub. İkinci qarşılaşmada isə Çexiyanın “Slaviya Praqa” komandasını 2:0 hesabı ilə üstələyib.
Qeyd edək ki, “Sabah” növbəti turda Norveçin “Viking” komandası ilə qarşılaşacaq.
Paylaş
