Rusiya ordusu Ukraynanın Moldova ilə sərhədində yerləşən keçid məntəqəsinə zərbə endirib
Avqustun 20-dən 21-nə keçən gecə Rusiya ordusu Ukraynanın Odessa vilayətinin Bolqrad və İzmayıl rayonlarına pilotsuz uçuş aparatları ilə hücum edib. Həmçinin Ukraynanın Moldova ilə sərhədində yerləşən “Tabaki” keçid məntəqəsinə zərbə endirilib, nəticədə onun fəaliyyəti müvəqqəti dayandırılıb.
“TV1” xəbər verir ki, bu barədə Ukrayna Dövlət Sərhəd Xidməti məlumat yayıb.
Bildirilir ki, hücum nəticəsində “Tabaki”nin infrastrukturuna zərər dəyib, tikililərdə yanğınlar baş verib. Ukrayna Dövlət Fövqəladə Hallar Xidmətinin əməkdaşları yanğın ocaqlarını lokallaşdırıblar.
Hazırda “Tabaki”dən insanların və nəqliyyat vasitələrinin keçidi yoxdur. Ukrayna baş verənlər barədə Moldova nümayəndələrinə məlumat verib.
Paylaş
