“Crocus City Hall”da terror aktı törədənlərin həbs müddəti uzadılıb
Moskvanın Basmannı məhkəməsi “Crocus City Hall” konsert zalında törədilən terror aktı ilə bağlı işdə iştirak edənlərin həbs müddətini uzadıb.
“TV1” xəbər verir ki, bu barədə Rusiya KİV-i məhkəmənin mətbuat xidmətinə istinadən məlumat yayıb.
“Moskvanın Basmannı rayon məhkəməsinin qərarı ilə Ş.Qadoyev, Z.A.İsmoilov, M.A.Soliyev, U.A.Soliyev, X.Ə.Xamidov həbs müddətini dekabrın 1-dək uzadılıb”, – deyə məlumatda bildirilir.
Xatırladaq ki, martın 22-də Moskvadakı “Crocus City Hall”da terror aktı törədilib. Terrorda 144 nəfər həlak olub, 551 nəfər isə yaralanıb. Eyni zamanda, 95 nəfər itkin düşmüş sayılır.
Paylaş
