Nigeriyada silahlı hücum nəticəsində 62 nəfər ölüb

Nigeriyanın şimal-şərqində yerləşən Taraba ştatının Binari bölgəsində silahlı şəxslərin hücumu nəticəsində azı 62 nəfər həlak olub, 52 nəfər yaralanıb.

“TV1” xəbər verir ki, BƏƏ-nin WAM agentliyinin yaydığı məlumata görə, bu barədə Milli Fövqəladə Halların İdarə Edilməsi Agentliyinin Taraba ştatı üzrə rəhbəri Ladan Ayuba məlumat verib.

Onun sözlərinə görə, hücum Kərim-Lamido yerli idarəetmə ərazisinə daxil olan Binari bölgəsində baş verib. Hücumu yerli əhalinin tərcümədə “quldurlar” adlandırdığı silahlı şəxslər törədiblər.

Hadisə nəticəsində, həmçinin minlərlə sakin evlərini tərk etmək məcburiyyətində qalıb.