ABŞ Federal Ehtiyatlar Sisteminin keçmiş sədri vəfat edib
ABŞ Federal Ehtiyatlar Sisteminin keçmiş sədri Alan Qrinspan 100 yaşında vəfat edib.
“TV1” xəbər verir ki, bu barədə “Reuters” Agentliyi məlumat yayıb.
Qeyd edək ki, uzun illər ABŞ Federal Ehtiyat Sisteminin (FED, ABŞ Mərkəzi Bankı) sədri olmuş, “Maestro” kimi tanınan, dövrünün ən təsirli iqtisadi siyasətçilərindən birinə çevrilən və məşhur “irrasional coşqunluq” xəbərdarlığı ilə yadda qalan Alan Qrinspan (Alan Greenspan) 100 yaşında vəfat edib.
A.Qrinspan 1987-ci ildə Prezident Ronald Reyqan tərəfindən Fed sədri təyin edilib və iqtisadi enişlər və yüksəlişlər dövründən keçərək 2006-cı ildə təqaüdə çıxana qədər bu vəzifəni icra edib. Onun səlahiyyət müddəti Fed tarixində ikinci ən uzun müddət olub. O, 1951–1970-ci illərdə mərkəzi banka rəhbərlik etmiş William McChesney Martindən cəmi dörd ay az bu vəzifədə çalışıb.
Fed bazar yaydığı açıqlamada A.Qrinspanın vəfatını “dərin kədər hissi ilə” qarşıladığını bildirib və qeyd edib ki, onun pul siyasətinə və iqtisadi düşüncəyə verdiyi töhfələr bu institutda, daha geniş iqtisadiyyat sahəsində və ölkədə qalıcı iz qoyub.
A.Qrinspanın FED-ə rəhbərlik etdiyi dövrdə fond bazarları inkişaf edib, lakin bu proses kəskin volatillik dövrləri olmadan keçməyib. Onun mərkəzi bankda yumşaq pul siyasəti yanaşması bəzən 2008-ci il maliyyə böhranının səbəblərindən biri kimi göstərilir.
