ABŞ İrana qarşı 12-ci gecə hücumlarını başa çatdırıb

ABŞ Mərkəzi Komandanlığı (CENTCOM) İrana qarşı 12 gecə hücumları dalğasının başa çatdığını açıqlayıb.

“TV1” xəbər verir ki, bu barədə CENTCOM-un yaydığı bəyanatda bildirilib.

Qeyd olunur ki, ABŞ qüvvələri İranın hərbi obyektlərinə, o cümlədən dəniz imkanlarına, raket və pilotsuz uçuş aparatlarının saxlanma məntəqələrinə, sahil müşahidə obyektlərinə və hava hücumundan müdafiə sistemlərinə zərbələr endirib.

Bildirilib ki, bu zərbələr İranın mülki dənizçilərə və kommersiya gəmilərinə qarşı hücum imkanlarını daha da zəiflətməyə yönəlib.