Çempionlar Liqası: "Qarabağ"ın əsas mərhələdə ev oyunları bu stadionda keçiriləcək
“Qarabağ”ın UEFA Çempionlar Liqasının əsas mərhələsində ev oyunlarını hansı stadionda keçirəcəyi dəqiqləşib.
“TV1” xəbər verir ki, bu barədə UEFA-nın rəsmi saytında yayımlanan məlumatda bildirilir.
Qeyd olunur ki, Ağdam təmsilçisi rəqiblərini Tofiq Bəhramov adına Respublika Stadionunda qəbul edəcək.
Artıq Avropa futbol qurumunun saytında Azərbaycan çempionunun ev matçlarının yeri mərkəzi arena olaraq göstərilib.
Klubun mətbuat xidmətinin rəhbəri Anar Hacıyev AZƏRTAC-a açıqlamasında məlumatı təsdiqləyib.
Qeyd edək ki, “Qarabağ” Liqa mərhələsində 8 oyuna çıxacaq. Matçların 4-ü evdə, 4-ü səfərdə olacaq. Ağdam təmsilçisi əsas mərhələyə sentyabrın 16-da Portuqaliyada “Benfika”ya qarşı görüşlə start verəcək. İlk ev qarşılaşması isə oktyabrın 1-də Bakıda Danimarkanın “Kopenhagen” komandasına qarşı olacaq.
