Pakistanda hərbi helikopter qəzaya uğrayıb - Heyət həlak olub
Pakistanda ordu aviasiyasının “Mi-17” helikopteri qəzaya uğrayıb, göyərtədəki bütün şəxslər həlak olub.
“TV1” xəbər verir ki, bu barədə Pakistan Silahlı Qüvvələrinin İctimaiyyətlə Əlaqələr üzrə İdarələrarası Xidmətinin (ISPR) mətbuat xidməti məlumat yayıb.
Bildirilib ki, hadisə iyunun 10-da Müzəffərabad yaxınlığında baş verib. İlkin olaraq müəyyən edilib ki, helikopter texniki nasazlıq səbəbindən havaya qalxarkən qəzaya uğrayıb.
“Göyərtədəki bütün şəxslər həlak olub. Sağ qalan yoxdur”, – deyə məlumatda qeyd olunub.
Aviaqəzanın təfərrüatları aydınlaşdırılır.
Paylaş
