Şahmat millimiz Avropa çempionluğunun bir addımlığında
Bu gün kişi şahmatçılardan ibarət Azərbaycan millisi Gürcüstanın Batumi şəhərində təşkil olunan komandalararası Avropa çempionatında həlledici görüşə çıxacaq.
“TV1” xəbər verir ki, yığmamız son turda Serbiya ilə üz-üzə gələcək.
Şəhriyar Məmmədyarov, Rauf Məmmədov, Aydın Süleymanlı, Məhəmməd Muradlı və Eltac Səfərlidən ibarət kollektiv 8 turdan sonra 13 xalla Ukrayna millisi ilə birgə liderliyi bölüşür. Yığma bu gün qələbə qazansa, dördüncü çempionluğunu rəsmiləşdirəcək.
Xatırladaq ki, Azərbaycanın kişilərdən ibarət millisi 2009, 2013 və 2017-ci illərdə Avropa çempionu olub.
Paylaş
