Sarkisyanın qardaşının əmlakı müsadirə oluna bilər

Ermənistanın keçmiş prezidenti Serj Sarkisyanın qardaşı Aleksandr Sarkisyanın və ailə üzvlərinin əmlakı müsadirə oluna bilər.

“TV1” Ermənistan mətbuatına istinadən xəbər verir ki, Aleksandr Sarkisyan iki oğlu ilə birlikdə ölkənin Baş Prokurorluğunun Qanunsuz Əmlakın Müsadirəsi üzrə İdarəsinə çağırılıb.

Bununla belə, həmin əmlakların qanuniliyinin sübuta yetirilmə ehtimalı olduğundan Ermənistan Baş Prokurorluğu A.Sarkisyan ailəsinin müsadirə ediləcək əmlakının siyahısını hələlik açıqlamayıb.