Türk dünyası qlobal güc mərkəzlərindən birinə çevrilməkdədir - Hikmət Hacıyev
“Türk dünyası qlobal güc mərkəzlərindən birinə çevrilən ümumi ailəmizdir”.
“TV1” xəbər verir ki, bunu Azərbaycan Prezidentinin köməkçisi, Prezident Administrasiyasının xarici siyasət şöbəsinin rəhbəri Hikmət Hacıyev “X” səhifəsində yazıb.
“Qəbələ Türk Dövlətləri Təşkilatının 12-ci Sammitinə ev sahibliyi edir. 12-ci Sammit sülh və təhlükəsizlik mövzusuna həsr olunub. Bu gün təhlükəsizlik məsələləri bütün ölkələr üçün xüsusi diqqət mərkəzində və əsas prioritet olaraq qalır”, – deyə o, qeyd edib.
Qeyd edək ki, bu gün Azərbaycanın Qəbələ şəhərində Türk Dövlətləri Təşkilatının (TDT) Dövlət Başçıları Şurasının 12-ci Zirvə Görüşü keçirilir. Tədbirdə Türkiyə, Qazaxıstan, Özbəkistan, Qırğızıstan, Türkmənistan, Macarıstan, Şimali Kipr Türk Cümhuriyyətinin dövlət başçıları və digər rəsmi şəxslər iştirak edirlər. TDT-nin XII Zirvə Görüşü “Regional sülh və təhlükəsizlik” mövzusuna həsr olunub.
Gabala Hosts the 12th Summit of the Organization of Turkic States. The 12th Summit is dedicated to the theme of Peace and Security. Today, security remains a key concern and top priority for all nations.
Turkic World is our common family and emerging as a global center of power. pic.twitter.com/stRSMVdILJ
— Hikmet Hajiyev (@HikmetHajiyev) October 7, 2025
