media-1200x100

Əli Əsədov Türkiyənin vitse-prezidentinə başsağlığı verib

media-ads_728_90

Azərbaycan Respublikasının Baş naziri Əli Əsədov oktyabrın 24-də Türkiyə Respublikasının Vitse-prezidenti Cevdet Yılmaza başsağlığı məktubu ünvanlayıb.

“TV1” xəbər verir ki, bu barədə Nazirlər Kabineti məlumat yayıb.

Bildirilir ki, Ə.Əsədov Ankara şəhərində yerləşən Türk Aviasiya və Kosmik Sənaye Şirkətində (TUSAŞ) törədilmiş terror aktı nəticəsində insan tələfatı və yaralananlar barədə xəbəri dərin kədər hissi ilə qarşıladığını bildirib.

“Baş nazir bu ağır faciə ilə əlaqədar Türkiyənin Vitse-prezidentinə, həlak olanların ailələrinə və yaxınlarına, qardaş Türkiyə xalqına dərin hüznlə başsağlığı verib, bütün yaralıların tezliklə şəfa tapmasını arzulayıb”, məlumatda qeyd olunub.

Qeyd edək ki, Türkiyədə TUSAŞ-ın istehsal müəssisəsində oktyabrın 23-də terror aktı törədilib. Terror aktında 5 nəfər həlak olub, 22 nəfər yaralanıb.

media-ads_728_90
Paylaş