Prezident İlham Əliyev “Bakı Metropoliteni”nə yeni sədr təyin etdi - SƏRƏNCAM

Zaur Mir Tofiq oğlu Hüseynov “Bakı Metropoliteni” Qapalı Səhmdar Cəmiyyətinin sədri vəzifəsindən azad edilib.

“TV1” xəbər verir ki, Prezident İlham Əliyev bununla bağlı Sərəncam imzalayıb.

Prezidentin digər Sərəncamı ilə Vüsal Yusif oğlu Aslanov “Bakı Metropoliteni” Qapalı Səhmdar Cəmiyyətinin sədri təyin edilib.

Qeyd edək ki, Vüsal Aslanov bu təyinata qədər “Azərbaycan Dəmir Yolları” QSC sədrinin müavini vəzifəsində çalışıb.