Tokayev Almaniyaya Xəzər vasitəsilə yaşıl energetika layihəsində iştirak etməyi təklif edib

“Qazaxıstan Özbəkistan və Azərbaycanla birlikdə Xəzər dənizinin dibi ilə Avropa ölkələrinə yaşıl enerji ötürmək üçün xəttin tikintisi layihəsi üzərində işləyir”.

“TV1” xəbər verir ki, bunu Qazaxıstan Respublikasının Prezidenti Kasım-Jomart Tokayev Mərkəzi Asiya dövlət başçılarının Almaniyanın federal kansleri Olaf Şolts ilə görüşündə iştirak edərkən deyib.

“Biz alman tərəfdaşlarımızı bu strateji layihədə iştirak imkanlarını nəzərdən keçirməyə dəvət edirik”, – deyə Tokayev qeyd edib. /azərtac/