Tramp: ABŞ və İran Hörmüz boğazı ilə bağlı razılığa gəlib
ABŞ prezidenti Donald Tramp iddia edir ki, ABŞ və İran Hörmüz boğazı ilə bağlı razılığa gəliblər və indi İranın nüvə proqramı ilə bağlı razılaşma gözləyir.
“TV1” xəbər verir ki, Tramp bu barədə avqustun 2-də Vaşinqtona gedərkən təyyarəsində jurnalistlərə açıqlamasında bildirib.
D.Tramp qeyd edib ki, ABŞ qismən Qətər, Birləşmiş Ərəb Əmirlikləri və Səudiyyə Ərəbistanının tələbi ilə İrana zərbə endirməkdən çəkinib.
“Onların bunu istəməsinin səbəbi, razılaşma olduğuna inanmalarıdır. Hörmüz boğazı ilə bağlı razılaşma var və sonra nüvə proqramı və ya adlandıra biləcəyiniz kimi, İranın nüvəsizləşdirilməsi ilə bağlı razılaşma var. Mən buna İranın nüvəsizləşdirilməsi deyirəm”, – deyə D.Tramp əlavə edib.
Paylaş
