Ərdoğan: "Livandan sonra İsrail gözünü Türkiyə torpaqlarına dikəcək"
“Nə edir etsin, gec-tez İsrailin qarşısı mütləq şəkildə alınacaq”.
“TV1” “Anadolu Agentliyinə” istinadən xəbər verir ki, bu barədə Türkiyə Prezidenti Rəcəb Tayyib Ərdoğan bu gün parlamentin yeni sessiyasının açılışında bildirib.
Onun sözlərinə görə, Netanyahu hakimiyyəti Türkiyəni də hədəf olaraq görür.
İsrailə xəbərdarlıq edən Türkiyə lideri onu da vurğulayıb: “Livana qurudan hücum əməliyyatının nəticələri keçmişdəki işğallara bənzəməyəcək”.
Ərdoğan əlavə edib ki, Livandan sonra İsrailin gözünü dikəcəyi yer Türkiyə torpaqları olacaq.
“Bədəli nə olursa-olsun, Türkiyə İsrailin qarşısında durmağa davam edəcək”, – deyə Ərdoğan əlavə edib.
Paylaş
