İran XİN: Regionda münaqişənin genişlənməsinin əleyhinəyik

“İranın topladığı bütün sübutlar Fələstin HƏMAS siyasi bürosunun rəhbəri İsmayıl Haniyənin öldürülməsinin arxasında İsrailin dayandığını göstərir. İran regionda münaqişənin genişlənməsinin əleyhinədir, lakin İsrail İsmayıl Haniyənin qətlinə görə cəzalandırılmalıdır”.

“TV1” xəbər verir ki, bunu İran İslam Respublikası Xarici İşlər Nazirliyinin rəsmi nümayəndəsi Nasir Kənani jurnalistlərə açıqlamasında bildirib.

“Hər şey sübut edir ki, İsmayıl Həniyənin qətlinin arxasında İsrail dayanır. Bu qətldən İsraildən başqa heç kəs faydalanmadı və onların bəzi rəsmilərinin açıqlamaları da bunu təsdiqləyir”, – deyə Kənani vurğulayıb.