İstanbulda hoteldə güclü yanğın – Ölən və yaralananlar var

Türkiyənin İstanbul şəhərinin Ataşehir rayonunda yerləşən hoteldə güclü yanğın baş verib.

“TV1” xəbər verir ki, hadisə nəticəsində üç nəfər həlak olub, daha iki nəfər ağır dərəcəli yanıq yaraları ilə xəstəxanaya yerləşdirilib.

Məlumata əsasən, yanğın mətbəx yaxınlığında yerləşən yardımçı otaqdan başlayıb. Qəzanın dəqiq səbəbləri barədə hər hansı məlumat verilmir.

Hadisə yerinə gedən yanğınsöndürənlər hotelin müştərilərini və onun əməkdaşlarını təxliyə ediblər.

Hadisə ilə əlaqədar hotelin ikj əməkdaşının saxlanıldığı bildirilir.