Laçın 2025-ci ildə MDB-nin mədəniyyət paytaxtı statusunu alacaq

Azərbaycanın Laçın şəhəri 2025-ci ildə MDB-nin mədəniyyət paytaxtı statusunu alacaq.

“TV1” xəbər verir ki, bu barədə Rusiya Prezidentinin köməkçisi Yuri Uşakov keçirdiyi brifinqdə bildirib.

“Humanitar məsələlər bloku çərçivəsində Moskva sammitində MDB liderləri 2025-ci ildə Laçın şəhərinə (Azərbaycan), 2026-cı ildə Mehri şəhəri (Ermənistan) və 2027-ci ildə Molodeçno şəhərinin (Belarus) mədəniyyət paytaxtı statusunun verilməsi haqqında qərar layihələrinə baxacaqlar”, – deyə Yuri Uşakov əlavə edib.

Qeyd edək ki, 2024-cü ildə Özbəkistanın Səmərqənd şəhəri MDB-nin mədəniyyət paytaxtı statusuna layiq görülüb.