Livanın yeni hökuməti açıqlanacaq
Yanvarın 13-də vəzifəyə təyin edilmiş Livanın baş naziri Navaf Salam respublikanın yeni hökumətinin tərkibini açıqlayacaq.
“TV1” xəbər verir ki, bu barədə “Al Hurra” telekanalına “Demokratik görüş” blokunun deputatı Mərvan Hammad bildirib.
“24 nazirdən ibarət kabinet yanvarın 9-da general Cozef Aunun prezident seçilməsindən sonra Livanın keçdiyi siyasi mərhələni əks etdirəcək”, – deyə o qeyd edib.
Onun sözlərinə görə, baş nazir Navaf Salamın hökumətin formalaşdırılması üçün müəyyən etdiyi meyarlar böhrandan çıxmağa kömək edəcək və onun seçdiyi rəqəmlər Livan və beynəlxalq ictimaiyyətin etimadını qazanıb.
Paylaş
