Ukrayna ordusu Rusiyanın Krasnodar diyarında dörd neft bazasına zərbələr endirib
Sentyabrın 28-nə keçən gecə Ukrayna Təhlükəsizlik Xidməti Rusiyanın Krasnodar diyarında dörd neft anbarına zərbələr endirib. Bunlar Rusiya ordusu üçün neft məhsullarının saxlanmasını və təchizatını təmin edən yanacaq infrastrukturunun vacib elementləridir.
“TV1” xəbər verir ki, bu barədə Ukrayna Təhlükəsizlik Xidməti məlumat yayıb.
Məlumata görə, xidmətin “Alfa” xüsusi əməliyyatlar mərkəzinin PUA-ları Novotitarovskayadakı “Edelweiss-95” və “Din-Yuq-Oil” stanitsalarında neft anbarlarına zərbələr endirib. Həmin anbarlarda yanğınlar baş verib.
Pavlovskayadakı “Lukoil-Yuqnefteprodukt” neft anbarına da zərbə endirilib. Obyektdə yanğın baş verib.
Staronijesteblievskayadakı “Angelinskaya” neft anbarına hücum da yanğınla nəticələnib.
Ukrayna Təhlükəsizlik Xidməti müharibəyə töhfə verən Rusiyanın arxa cəbhəsindəki hədəflərə zərbələr endirməyə davam edir. Neft anbarlarının sıradan çıxarılması Rusiya qoşunları üçün yanacaq təchizatı logistikasını çətinləşdirir. Bu zərbələr həm də düşmənin Ukrayna şəhərlərinə və mülki infrastrukturuna hücumlarına cavabdır.
