Xalq artisti Tofiq Bakıxanov dəfn olunub - YENİLƏNİB
Xalq artisti Tofiq Bakıxanov dəfn olunub.
“TV1” xəbər verir ki, mərhumun nəşi İkinci Fəxri xiyabanda torpağa tapşırılıb.
xxx
Təzəpir məscidində Xalq artisti Tofiq Bakıxanovla vida mərasimi keçirilir.
“TV1” xəbər verir ki, mərasimdə mərhumun ailə üzvləri, sənət dostları və Mədəniyyət Nazirliyinin nümayəndələri iştirak edirlər.
Mərhumun cənazəsinin qoyulduğu postamentin ətrafına Azərbaycan Prezidenti İlham Əliyevin və Birinci vitse-prezident Mehriban xanım Əliyevanın adından əklil düzülüb.
Xalq artisti II Fəxri xiyabanda dəfn olunacaq.
Qeyd edək ki, Xalq artisti, görkəmli bəstəkar, pedaqoq, professor Tofiq Bakıxanov avqustun 23-də 96 yaşında vəfat edib. O, respublikanın “Əməkdar incəsənət xadimi” (1973), “Xalq artisti” (1990) fəxri adlarına, “Şöhrət” (2000), “Şərəf” (2021) və 1-ci dərəcəli “Əmək” (2025) ordenlərinə layiq görülüb. Sənətkar 2002-ci ildən Prezidentin fərdi təqaüdçüsü idi.
