“8-ci km bazarı”nın ətrafındakı küçə ticarəti yığışdırılır - Yaşıllıq salınacaq

Bakının Nizami rayonunda yerləşən “8-ci km Ticarət Mərkəzi”nin ətrafındakı küçə ticarəti yığışdırılır.

“TV1” xəbər verir ki, Cəmşid Naxçıvanski küçəsində yerləşən ərazidə səliqə-sahmanın bərpa olunması üçün həyata keçirilən işlər çərçivəsində küçə ticarətinin təşkil olunduğu piştaxtalar sökülərək ərazidən yığışdırılır.

Nizami Rayon İcra Hakimiyyətindən isə bildirilib ki, həmin ərazidə yaşıllığın salınması planlaşdırılır.