ABŞ səfirliyi “Tağıyev: Neft” filminin rejissorunu təbrik edib
ABŞ-nin Azərbaycandakı səfirliyi “Tağıyev: Neft” filminin rejissoru Zaur Qasımlını təbrik edib.
“TV1” xəbər verir ki, bu barədə səfirliyin sosial şəbəkə hesabında açıqlama yayılıb.
Açıqlamada qeyd edilib ki, film yaxınlarda Hollivuddakı Motion Picture Arts and Sciences Akademiyası (AMPAS) tərəfindən keçirilən 2026-cı il Oskar mükafatlandırma mərasimində Azərbaycanı təmsil etmək üçün seçilib. İndi film “Ən Yaxşı Xarici Bədii Film” kateqoriyasında nominasiya uğrunda dünya üzrə 80-dən çox film ilə yarışacaq. Finalçılar 16 dekabrda Los-Ancelesdə elan olunacaq və biz “Tağıyev”ə uğurlar arzulayırıq.
Birləşmiş Ştatlar dünyanın ən böyük kino sənayesinə ev sahibliyi etməkdən qürur duyur. Hollivudun blockbuster filmləri dünya üzrə milyonlarla tamaşaçı tərəfindən izlənilir.
Qeyd edilib ki, 98-ci Akademiya Mükafatları 15 mart 2026-cı ildə keçiriləcək.
