ABŞ və Ermənistanın “Tramp yolu” ilə bağlı SAZİŞİ - 99 ilə qədər...
Ermənistan və ABŞ Ermənistanda Trampın Beynəlxalq Sülh və Rifah Yolunun (TRIPP) yaradılmasına dair çərçivə sazişinin imzalandığını təsdiqləyib.
“TV1” xəbər verir ki, layihə 74% ABŞ payına malik şirkət tərəfindən idarə olunacaq tranzit magistralının tikintisini nəzərdə tutur.
İlk 49 illik mərhələdə Ermənistanın layihədəki payı 26%, sonrakı 50 ildə isə 49%-ə yüksələcək. TRIPP-i idarə edən şirkət magistral yoluna çıxış üçün rüsum götürə, həmçinin marşrut boyu daşınmaz əmlak tikə biləcək. Magistral avtomobil yolu və dəmir yolu marşrutunu əhatə edəcək.
İrəvan həmçinin ABŞ-la sərhəd nəzarətində, xüsusən də süzgəc texnologiyaları sahəsində əməkdaşlıq etməyə razılaşıb.
ABŞ Dövlət Departamenti qeyd edib ki, saziş Ermənistan və Azərbaycanın 2025-ci il avqustun 8-də Ağ Evdə üzərinə götürdüyü “öhdəliklərin yerinə yetirilməsi”nin bir hissəsidir.
Daha sonra tərəflər Azərbaycanı “Tramp yolu” ilə Naxçıvanla birləşdirməyə razılaşıblar.
