İranda etiraz aksiyaları zamanı ölənlərin sayı 5800-ü keçib

İranda ötən ilin 28 dekabr tarixində başlayan etiraz aksiyaları zamanı baş verən qarşıdurmalarda 209 hüquq mühafizə orqanı əməkdaşı da daxil olmaqla 5848 nəfər həlak olub.

“TV1” xəbər verir ki, bu barədə ABŞ-da yerləşən İran İnsan Haqları Fəalları Xəbər Agentliyi məlumat yayıb.

Məlumatda qeyd olunur ki, ölkənin bir çox yerində baş verən hadisələr nəticəsində 41283 nəfər saxlanılıb.

Qeyd edək ki, İranın xarici işlər naziri Abbas Əraqçı yanvarın 23-də verdiyi açıqlamada etirazlar zamanı qarşıdurmalarda təhlükəsizlik qüvvələri və mülki şəxslər də daxil olmaqla 3 117 nəfərin həlak olduğunu açıqlamışdı.