Mirzoyan: "Ermənistan sülh sazişinin tam razılaşdırılmış layihəsini Azərbaycana təqdim edib"
“İrəvan və Bakı sülh sazişi layihəsi üzrə 16 bənddən 13-nü tam, 3-nü isə qismən razılaşdırıblar”.
“TV1” xəbər verir ki, bunu Ermənistanın xarici işlər naziri Ararat Mirzoyan deyib.
Mirzoyanın sözlərinə görə, tərəflərin bu sənədi ən qısa müddət ərzində imzalaması üçün imkan var.
Ermənistanın XİN başçısının sözlərinə görə, bu addım Cənubi Qafqazda uzunmüddətli sabitlik üçün səhifə açacaq:
“Hesab edirik ki, sülh müqaviləsinin ən qısa müddətdə imzalanması və regionda uzunmüddətli sabitlik səhifəsinin açılması üçün real imkan mövcuddur”, – Mirzoyan əlavə edib. /apa/
Paylaş
