Qlobal Cənub QHT Platformasının çərçivə sənədi qəbul olunub
Gülüstan Sarayında “Bakı Şəhərsalma Həftəsi” çərçivəsində Qlobal Cənub QHT Platformasının (Global South NGO Platform – GSNP) ilk Baş Assambleyası keçirilir.
“TV1” xəbər verir ki, tədbirdə dünya əhalisinin 80%-nin yaşadığı Latın Amerikası, Afrika, Asiya, Sakit okean hövzəsini əhatə edən regionlardan ümumilikdə, 110-dan çox ölkədən QHT təmsilçiləri iştirak edir.
Baş Assambleya müxtəlif panellərlə gün ərzində davam edəcək.
GSNP-nin ilk Baş Assambleyasında təşkilata 5 il rəhbərlik edəcək Baş katib və onun Latın Amerikası, Afrika, Asiya və Sakit okean hövzəsi regionlarını əhatə edən bölgələr üzrə 4 müavini seçiləcək.
Qlobal Cənub QHT Platformasının (Global South NGO Platform – GSNP) institusional strukturu və fəaliyyət mexanizmlərinə dair çərçivə sənəd təqdim edilib. Sənəd səsvermə yolu ilə qəbul olunub.
