Almaniya vətəndaşlarını İranı tərk etməyə ÇAĞIRDI

Almaniya hökuməti vətəndaşlarını İrana səyahət etməməyə və bu ölkədə olan almaniyalıları isə ölkəni tərk etməyə çağırıb.

“TV1” xəbər verir ki, “Reuters“-in yaydığı məlumata görə, buna səbəb İrana qarşı sanksiyaların bərpası prosesinin başlaması səbəbindən Tehranın mümkün cavab tədbirləri görmə ehtimalıdır.

Qeyd edək ki, “Avropa üçlüyü” (Böyük Britaniya, Almaniya və Fransa) avqustun 28-də İrana qarşı sanksiyaların bərpası mexanizminin (snapback mexanizmi) fəallaşdırılması prosesinə başlayıblar.

Xatırladaq ki, prosesin müddəti 30 gündür. Bu müddət ərzində İran və “Avropa üçlüyü” arasında heç bir razılaşma əldə olunmasa, İrana qarşı sanksiyalar qüvvəyə minəcək.