Azərbaycanın MDB ölkələri ilə ticarət dövriyyəsinin HƏCMİ

Ötən ay Azərbaycanla MDB ölkələri arasında 556 milyon 453 min ABŞ dolları dəyərində ticarət əməliyyatları baş tutub.

“TV1” xəbər verir ki, bu barədə Dövlət Gömrük Komitəsindən bildirilib.

Məlumata görə, bu, ötən ilin eyni dövrü ilə müqayisədə 32% çoxdur.

Hesabat dövründə MDB ölkələri ilə ticarət əməliyyatları ölkənin ümumi ticarət dövriyyəsinin 33,57%-ni təşkil edib.

Bu dövrdə Azərbaycanın ticarət dövriyyəsinin dəyəri azalan sıra üzrə Rusiya ilə 411 milyon 812 min ABŞ dolları (1 il əvvələ nisbətən 55,5% çox), Ukrayna ilə 44 milyon 448 min ABŞ dolları (11,7% az), Belarusla 33 milyon 189 min ABŞ dolları (4,3% az), Türkmənistanla 26 milyon 352 min ABŞ dolları (22% az), Qazaxıstanla 24 milyon 691 min ABŞ dolları (41,6% çox), Özbəkistanla 14 milyon 578 min ABŞ dolları (13,2% çox), Qırğızıstanla 822 min ABŞ dolları (88,5% az), Moldova ilə 418 min ABŞ dolları (20,7% az), Tacikistanla 136 min ABŞ dolları (52,8% çox) olub.

Ay ərzində Azərbaycanın MDB ölkələrinə məhsul ixracının dəyəri 19,5% artaraq 120 milyon 234 min ABŞ dolları təşkil edib.

Bu dövrdə Azərbaycandan Rusiyaya 81 milyon 145 min ABŞ dolları (illik müqayisədə 7,3% çox), Ukraynaya 22 milyon 762 min ABŞ dolları (9,4 dəfə çox), Belarusa 4 milyon 723 min ABŞ dolları (31,1% az), Türkmənistana 3 milyon 4 min ABŞ dolları (25,1% az), Qazaxıstana 5 milyon 693 min ABŞ dolları (68,4% çox), Özbəkistana 2 milyon 612 min ABŞ dolları (31,5% çox), Qırğızıstana 91 min ABŞ dolları (98,5% az), Moldovaya 107 min ABŞ dolları (36,7% az), Tacikistana 93 min ABŞ dolları (ötən ilin yanvar ayında ixrac olmayıb) dəyərində məhsul ixrac edilib.

Ölkənin ümumi ixracında MDB ölkələri 3,95%, o cümlədən Rusiya 2,67%, Ukrayna 0,75%, Türkmənistan 0,10%, Belarus 0,15%, Qazaxıstan 0,19%, Özbəkistan 0,09%, Qırğızıstan, Moldova, Tacikistan isə cüzi paya sahib olub.

Yanvar ayında Azərbaycanın MDB ölkələrindən məhsul idxalının dəyəri 35,9% artaraq 436 milyon 219 min ABŞ dolları təşkil edib.

Bu dövrdə Azərbaycana Rusiyadan 330 milyon 667 min ABŞ dolları (74,8% çox), Ukraynadan 21 milyon 686 min ABŞ dolları (54,8% az), Belarusdan 28 milyon 466 min ABŞ dolları (2,3% çox), Türkmənistandan 23 milyon 348 min ABŞ dolları (21,5% az), Qazaxıstandan 18 milyon 998 min ABŞ dolları (35,1% çox), Özbəkistandan 11 milyon 966 min ABŞ dolları (9,8% çox), Qırğızıstandan 731 min ABŞ dolları (20,5% az), Moldovadan 311 min ABŞ dolları (13,1% az), Tacikistandan 43 min ABŞ dolları (51,7% az) dəyərində məhsul idxal edib.

Ölkənin ümumi idxalında MDB ölkələri 21,25%, o cümlədən Rusiya 16,11%, Ukrayna 1,06%, Türkmənistan 1,14%, Belarus 1,39%, Qazaxıstan 0,93%, Özbəkistan 0,58%, Qırğızıstan 0,04%, Moldova 0,02%, Tacikistan isə cüzi paya sahib olub.