HƏMAS: 2023-ci ildən bəri Qəzzada 230-dan çox jurnalist həlak olub

İsrail ordusunun 2023-ci ilin oktyabrında Qəzza zolağında hərbi əməliyyata başlamasından bəri Fələstin torpaqlarında 233-dən çox media əməkdaşı həlak olub.

“TV1” TASS-a istinadən xəbər verir ki, bu barədə HƏMAS-ın nümayəndəsi İzzət əl-Rişk öz teleqram kanalında məlumat verib.

HƏMAS nümayəndəsi jurnalistlər qrupunun Qəzzaya səfər etmək təşəbbüsünü alqışlayıb və onların bölgəyə giriş tələb edən petisiyasını dəstəkləyib.

Ötən gün dünyanın aparıcı KİV-lərinin 100-dən çox jurnalisti mətbuata heç bir ilkin şərt olmadan Qəzza ərazisinə giriş verilməsini tələb edən petisiyaya imza atıb.