İsrailin Yəmənə zərbələri nəticəsində Baş nazir və yaxın adamları öldürülüb
Yəmənin Baş naziri Əhməd əl-Rəhəvi İsrailin zərbələri nəticəsində həyatını itirib.
“TV1” xəbər verir ki, “Euronews”-un xəbərinə görə, bu barədə Yəmənin “Əl Cümhuriyyə” kanalı və “Aden əl-Qəd” qəzeti məlumat yayıb.
Bildirilib ki, baş nazirlə yanaşı, köməkçiləri də öldürülüb.
İsrail rəsmiləri isə husilərin müdafiə naziri Məhəmməd əl-Atifi və Silahlı Qüvvələrin Baş Qərargah rəisi Məhəmməd Əbdülkərim Qəmərinin də zərbələr nəticəsində öldüyünə inanır.
İsrail hökuməti bu ehtimalları təsdiq etməyib və hadisə ilə bağlı araşdırma aparıldığı bildirilir.
Husilər isə rəsmi şəxslərin öldürülməsini hələlik təsdiq etməyib.
Paylaş
