Pakistan və Ermənistan razılığa gəldi

Pakistan və Ermənistan ölkələr arasında diplomatik münasibətlərin qurulması məsələsinə baxmağa razılaşıblar.

“TV1” “Sputnik Armeniya”ya istinadən xəbər verir ki, bu barədə Pakistanın xarici işlər naziri İshaq Dar X səhifəsində məlumat verib.

İshaq Dar Ermənistanın xarici işlər naziri Ararat Mirzoyanla telefon danışığı apardığını bildirib.

O qeyd edib ki, tərəflər söhbət zamanı iki ölkə arasında diplomatik münasibətlərin qurulması imkanlarını müzakirə etmək barədə razılığa gəliblər.

Nazirin sözlərinə görə, tərəflər gələcək əməkdaşlıq istiqamətlərini də diqqət mərkəzində saxlayıblar.