Süni intellektin məlumatlarından istifadədə ehtiyatlı olun - XƏBƏRDARLIQ

“Süni intellekt texnologiyaları tərəfindən verilən məlumatlara ehtiyatla yanaşmaq lazımdır”.

Bu barədə “TV1” -ə özəl açıqlamasında Təhsil Texnologiyaları mütəxəssis Dr. Feyyaz Öztop bildirib.

O qeyd edib ki, son illərdə chatbotlar və virtual köməkçilər kimi süni intellekt proqramlarından geniş istifadə
müşahidə edilir:

“Bəzi AI tətbiqləri, o cümlədən populyar tətbiqlər zaman-zaman yanlış məlumatlar verə bilər və buna
görə də bu cür tətbiqlərin təqdim etdiyi məlumatlara ehtiyatla yanaşmaq lazımdır. Bu texnoloji əsrdə biz proqram təminatının bir çox növlərinin inkişafını və diversifikasiyasını görürük. Xüsusilə son zamanlar faydalı xüsusiyyətlərinə görə süni intellekt tətbiqlərinə maraq artmaqdadır. Süni intellekt sistemləri avtomatik olaraq proqramlaşdırılmış tapşırıqları yerinə yetirə və istifadəçiləri üçün çoxsaylı rahatlıqlar təmin edə bilir. Bu alətlərə chatbotlar, virtual köməkçilər və s. misal göstərmək olar”.

Mütəxəssis həmçinin vurğulayıb:

“Digər tərəfdən, süni intellekt texnologiyaları da mənfi cəhətlərlə üzləşə bilər. Məsələn,
ümumi istifadə üçün nəzərdə tutulmuş bəzi məşhur süni intellekt proqramlarının qeyri-dəqiq
və qeyri-real məlumat verə biləcəyini görürük. Ona görə də süni intellekt texnologiyalarının
mühüm mövzularda verdiyi məlumatlara ehtiyatla yanaşmaq və tənqidi yanaşmaq lazımdır.
Bu vasitələrdən əldə edilən məlumatlar müxtəlif mənbələrlə müqayisə edilməli və
yoxlanılmalıdır. Tələbələrə xüsusilə təhsil ekspertləri tərəfindən hazırlanmış süni intellekt
tətbiqlərindən istifadə etmək tövsiyə olunur”.