Donald Tramp Ağ Evdə Volodimir Zelenski ilə görüşüb - YENİLƏNİB/VİDEO
Vaşinqtonda ABŞ və Ukrayna prezidentləri Donald Trampla Volodimir Zelenski görüşüb.
“TV1” xəbər verir ki, Ağ Ev görüşü birbaşa yayımlayıb.
Görüşdə D.Tramp bildirib ki, Rusiya-Ukrayna münaqişəsinin həllində irəliləyiş görür. O, Rusiya lideri Vladimir Putinlə Alyaskada görüşünü xatırladıb və bildirib ki, indi vəziyyəti həll etmək üçün əla fürsətdir.
V.Zelenski öz növbəsində D.Trampa Ukraynada sülhün bərqərar olması üçün göstərdiyi səylərə görə təşəkkür edib. Ukrayna Prezidenti V.Putinə yazdığı məktuba görə ABŞ prezidentinin həyat yoldaşı Melani Trampa da minnətdarlığını ifadə edib.
21:17 ———————————————————————————————————————————
Vaşinqtonda ABŞ və Ukrayna prezidentləri Donald Trampla Volodimir Zelenskinin görüşü başlayıb.
“TV1” xəbər verir ki, Ağ Ev görüşü birbaşa yayımlayır.
Birgə şəkil çəkdirdikdən və mətbuata şərhlərdən sonra liderlər binaya daxil olublar.
Jurnalistin Ukrayna xalqına nə deyəcəyini soruşduqda Tramp belə cavab verib: “Biz onları sevirik”.
Görüşdə ABŞ tərəfdən dövlət katibi Marko Rubio, vitse-prezident Cey Di Vens, eləcə də xüsusi elçilər Stiv Vitkoff, Ukrayna tərəfdən isə Ukrayna Prezident Aparatının rəhbəri Andrey Yermak və Milli Təhlükəsizlik və Müdafiə Şurasının katibi Rustem Umerov iştirak edirlər.
Qeyd edək ki, Ukrayna Prezidenti amerikalı həmkarı Donald Trampla görüşdən əvvəl Finlandiya, Böyük Britaniya, İtaliya və Avropa Komissiyasının liderləri və NATO-nun Baş katibi ilə mövqelərini razılaşdırdığını bildirib.
President Trump Participates in a Bilateral Meeting with the President of Ukraine https://t.co/67r5vwqmpg
— The White House (@WhiteHouse) August 18, 2025
