Əfv Komissiyasının iclasları yekunlaşdı - Rəylər Prezidentə təqdim olunacaq - ÖZƏL/YENİLƏNİB
“Prezident yanında Əfv Məsələləri Komissiyasının 2025-ci il üçün 7-ci və sonuncu iclası keçirilib”.
Komissiyanın üzvü Əliməmməd Nuriyevin “TV1”-ə özəl açıqlamasında verdiyi məlumata görə, bugünkü iclasda 100-dən artıq müraciətə baxılıb.
O bildirib ki, Komissiyanın bu il üçün nəzərdə tutulan iclaslarına yekun vurulub: “Komissiyaya daxil olan müraciətlərə baxılıb. Müraciətlər əsasında hazırlanan rəylər Prezident İlham Əliyevə təqdim olunacaq”.
Qeyd edək ki, Əfv Məsələləri Komissiyasının builki iclaslarında ümumilikdə 800-yə yaxın müraciətə baxılıb.
xxx
Bu gün Prezident yanında Əfv Məsələləri Komissiyasının 2025-ci il üçün sayca 7-ci iclası keçiriləcək.
Bu barədə “TV1”-ə Komissiyanın üzvü Əliməmməd Nuriyev bildirib.
O qeyd edib ki, bu gün komissiyanın bu il üçün sonuncu iclası keçiriləcək:
“Bu gün Komissiyaya daxil olan yeni müraciətlərə baxılacaq. Müsbət rəy verilənlərin siyahısı ölkə Prezidentinə təqdim ediləcək”.
Xatırladaq ki, Əfv Məsələləri Komissiyasının bu il 6 iclası keçirilib. 700-dən çox müraciətə baxılıb.
Mətanət Əliyeva
