Donald Tramp Rusiya-Ukrayna görüşündə iştirak edəcəkmi?
“Şəxsən uçmağı düşünürəm”.
“TV1” xəbər verir ki, ABŞ prezidenti Donald Tramp İstanbula da gedəcəyini istisna etmir.
D.Tramp Zelenski ilə Putin arasında təklif olunan görüş üçün Türkiyə paytaxtına gedib-getməməyi düşündüyünü deyib:
“Şəxsi görüşdə təkid edən mən idim. Onlardan biri dedi ki, biz atəşkəs istəyirik, o biri isə dedi ki, biz atəşkəs istəmirik. Mən də cavab verdim ki, qulaq as, indi bunu dayandırmalıyıq. Görüşə gedin, görüş təyin olunub”.
Bu yolla Tramp Putinə təzyiq edir ki, İstanbuldakı görüşdə şəxsi iştirakını təsdiq etsin. Zelenski artıq görüşə razılaşıb. Bu, Kreml üçün çətin vəziyyətdir. Tramp iki dövlət başçısının görüşünü son dərəcə vacib hesab etdiyini açıqlayıb: “Düşünürəm ki, cümə axşamı Türkiyədə Rusiya və Ukrayna arasında keçiriləcək görüşdə yaxşı nəticə görə bilərik”.
Zelenski X hesabında Trampa cavab verib: “Mən Türkiyədə olacağam. Ümid edirəm ki, ruslar bu görüşdən yayınmayacaqlar. Prezident Tramp da Türkiyədə bu görüşdə iştirak etsə, Ukraynada hamı ona çox minnətdar olardı. Bu düzgün fikirdir”.
Bu isə Vaşinqtona açıq siqnaldır: Baxın, biz dialoqa hazırıq, bu, bizə aid deyil. Bu hərəkətin işə yarayacağını bu həftənin hadisələri göstərəcək.
Xatırladaq ki, mayın 15-də Rusiya-Ukrayna münaqişəsinin nizamlanması üzrə İstanbulda Rusiya prezidenti Vladimir Putin və Ukrayna prezidenti Volodimir Zelenski arasında görüş keçiriləcək.
