Həftəsonu Bakı metrosunun iş rejimi iki saat uzadılacaq
“Formula 1” Azərbaycan Qran-prisi ilə əlaqədar Bakı metropoliteninin iş rejimi dəyişdiriləcək.
“TV1” xəbər verir ki, bu barədə Səhmdar Cəmiyyətin məlumatında bildirilir.
Məlumatda qeyd olunur ki, “Bakı Metropoliteni” QSC metropolitenin iş rejiminin uzadılması ilə bağlı yarış təşkilatçısı olan “Bakı Şəhər Halqası” Əməliyyat Şirkətinin müraciətinə müsbət cavab verib:
“Avtomobil yürüşü günlərində şəhər mərkəzində keçiriləcək kütləvi-mədəni tədbirlərə görə, sentyabrın 13-dən 14-nə və bu ayın 14-dən 15-nə keçən gecələr Bakı metropoliteninin iş rejimi iki saat uzadılacaq. Şənbə və bazar günlərinə keçən gecələr isə metropolitenin bütün stansiyalarının qapıları gecə saat 02:00-a qədər girişə açıq olacaq. Sərnişinlər stansiyalar üzrə mənzil başına çatdırılana qədər xətlərdə qatarların hərəkəti təmin ediləcək”.
