Təyyarə qəzasında şəhid olan hərbçilərin cənazələri Türkiyəyə göndəriləcək
Azərbaycan-Gürcüstan sərhədində qəzaya uğrayan təyyarəmizlə bağlı axtarış-xilasetmə və qəza qrupları işlərini davam etdirir.
“TV1” xəbər verir ki, bu barədə Türkiyə Prezident Administrasiyasının Kommunikasiya İdarəsinin rəhbəri Burhanəddin Duran bildirib.
O qeyd edib ki, təyyarə qəzasında şəhid olan hərbçilərin cənazələri axtarış-xilasetmə və qəza qruplarını Gürcüstana aparan A-400M təyyarəsi ilə Türkiyəyə gətiriləcək.
B.Duran hadisə ilə bağlı operativ reaksiya və dəstəyə görə Gürcüstan hakimiyyətinə təşəkkür edib.
Xatırladaq ki, ötən gün Azərbaycandan Türkiyəyə istiqamətlənən Türkiyəyə məxsus C130 tipli hərbi nəqliyyat təyyarəsi Gürcüstan ərazisində qəzaya uğrayıb. Qəza nəticəsində təyyarədə olan 20 hərbçi həyatını itirib. Gürcüstanda qəzaya uğrayan Türkiyənin C130 təyyarəsində həlak olan 20 hərbçidən 19-nun nəşi tapılıb.
