İlk zəvvar qrupunun Həcc ziyarətinə yola düşəcəyi VAXT AÇIQLANDI

Azərbaycandan ilk zəvvar qrupu bu ayın 25-i Həcc ziyarətinə yola düşəcək.

“TV1” xəbər verir ki, bu barədə QMİ Xarici Əlaqələr şöbəsinin müdiri, Həcc elektron sistem rəhbəri Vüsal Cahangiri bildirib.

O qeyd edib ki, digər zəvvar qrupları da mərhələli şəkildə ziyarətə yola düşəcək:

“Bu il kvota sayı 1200-1300 arası müəyyənləşdirilib”.

Qeyd edək ki, bir nəfər üçün ziyarət paketinin qiyməti 5950 ABŞ dolları təşkil edir. Ziyarət vahid formada təşkil olunacaq və hava nəqliyyatı ilə həyata keçiriləcək.

Tələb olunan sənədlər:

1. Ümumvətəndaş pasportu (ən azı 1 il vaxtı olmalıdır);
2. Şəxsiyyət vəsiqəsinin surəti;
3. 5 sm × 5 sm ölçüdə 2 ədəd ağ fonda çəkilmiş rəngli fotoşəkil (qadınlar tünd hicabda);
4. Sağlamlıq haqqında arayış. /trend/