İran İsraildə xəstəxanaya raket zərbəsi endirib

İran İsrail ərazisinə raket hücumları həyata keçirib.

“TV1” xəbər verir ki, bu barədə İsrail KİV-i məlumat yayıb.

Məlumata görə, atılan ballistik raketlərdən biri Beer-Şeva şəhərində yerləşən “Soroka” xəstəxanasına düşüb.

Hadisə nəticəsində azı 10 nəfər xəsarət alıb.

Ölkənin əksər bölgələrində hava hücumundan həyəcan siqnalları səslənir. Mülki əhaliyə isə sığınacaqlarda qalmaq tapşırılıb.

Təl-Əvivdə də raket zərbələrindən sonra dağıntılar qeydə alınıb.