İsrailin Qəzzaya hücumları nəticəsində 56 fələstinli həlak olub

İyulun 17-də İsrailin Qəzza zolağına həyata keçirdiyi hücumlar nəticəsində 56 fələstinli həyatını itirib.

“TV1” xəbər verir ki, bu barədə məlumatı Qətərin “Al Jazeera” telekanalı yayıb.

Məlumata görə, ölənlərin 40-dan çoxu anklavın şimalında qeydə alınıb. Onlardan 14-ü humanitar yardım nöqtəsində ərzaq almaq üçün növbə gözləyən mülki vətəndaşlar olub. Cənub bölgəsində isə qaçqın çadırlarının yerləşdiyi məktəbə edilən hücum nəticəsində 9 mülki şəxs həlak olub.

Müharibəyə başladığı gündən bəri ümumilikdə 58 667 fələstinli həyatını itirib, 139 974 nəfər isə yaralanıb.