Maskı bağışlamağa hazıram - Donald Tramp
ABŞ prezidenti Donald Tramp milyarder İlon Maskın son hücumlarından məmnun olmasa da, onu bağışlamağa hazır olduğunu bildirib.
“TV1” xəbər verir ki, D.Tramp bu barədə “The New York Post”a müsahibəsində deyib.
“Mənim pis hisslərim yoxdur. Amma bunun baş verməsinə çox təəccübləndim”, – deyə Tramp bildirib.
Maskı bağışlaya biləcəyinə dair sual verildikdə Tramp belə cavab verib: “Bağışlaya bilərəm, amma biz ölkəni düzəltməliyik”.
O əlavə edib ki, indi onun yeganə vəzifəsi ölkəni hər zamankından daha yüksək səviyyəyə çatdırmaqdır.
Xatırladaq ki, İlon Mask ötən həftə ABŞ Prezidenti Donald Trampla yaşanan fikir ayrılığından sonra sosial şəbəkədə paylaşım edərək, onun seçki kampaniyasına əvvəlcə verdiyi dəstəyə görə təəssüfləndiyini bildirib. O qeyd edib ki, Trampın siyasi ritorikası və son davranışları gözləntilərini doğrultmayıb. Mask paylaşımında həmçinin Trampın adının uşaq istismarı ilə bağlı ittiham olunan Cefri Epstaynın sənədlərində keçməsinin ciddi narahatlıq doğurduğunu vurğulayıb. Milyarder bu faktların onun dəstək qərarını yenidən nəzərdən keçirməsinə səbəb olduğunu bildirib.
