PKK İraqın şimalında silahları təhvil verib - YENİLƏNİB
PKK terror təşkilatının bir qrupunun İraqın Süleymaniyyə bölgəsində tərksilah olması prosesi başa çatıb.
“TV1” Türkiyə mediasına istinadən xəbər verir ki, prosesə şahidlik edən nümayəndə heyəti bölgəni tərk edib.
Qeyd edilir ki, 4-ü komandir olmaqla 30 PKK terrorçusu tərksilah prosesi çərçivəsində silahlarını yandırıb.
10:38 ————————————————————————————————————————————–
PKK terror təşkilatının bu gün silahları təhvil verməyə başlayacağı gözlənilir.
“TV1” xəbər verir ki, bu barədə Türkiyə mətbuatı məlumat yayıb.
Terrorçular həbsdə olan PKK lideri Abdullah Öcalanın çağırışından sonra bu gün silahı yerə qoymağa başlayacaq.
İlk olaraq İraqın şimalında yerləşən Süleymaniyyə şəhərində bir qrup PKK üzvünün silahlarını yerə qoyacağı gözlənilir.
Silahsızlaşdırma prosesinin bir neçə aya başa çatdırılması hədəflənir.
Ankara, Ərbil və Bağdad administrasiyalarının koordinasiyası ilə silah buraxma məntəqələrinin yaradılması və təşkilatın silahlarını bu bölgələrdə qoyması nəzərdə tutulur.
