Polis "Ermənistan Elektrik Şəbəkələri" şirkətində əməliyyat keçirir
“Hüquq-mühafizə orqanları “Ermənistan Elektrik Şəbəkələri” QSC-nin binasında əməliyyat keçirir”.
“TV1” xəbər verir ki, bu barədə şirkətin nümayəndəsi Natalya Saracyan bildirib.
“Bizim iş günümüz saat 09:00-da başlayır. Onlar daha tez gəliblər, binaya daxil olublar və heç kimi içəri buraxmırlar”, – deyə o qeyd edib.
Qeyd edək ki, “Elektrik Şəbəkələri” QSC-nin Direktorlar Şurasının sədri Narek Karapetyan (həbs edilmiş iş adamı Samvel Karapetyanın qardaşı oğlu) polis bölməsinə aparılıb. Səhər saatlarından N.Karapetyanın evində axtarışlar aparılıb. İstintaq hərəkətləri İqtisadi Cinayətlərin və Qaçaqmalçılığın Araşdırılması Baş İdarəsi, həmçinin İrəvan İstintaq İdarəsi tərəfindən qaldırılmış cinayət işləri çərçivəsində həyata keçirilib.
İyulun 2-də “Taşir qrup”un ofisində axtarışlar aparılıb. Bundan sonra xüsusilə iri məbləğdə pulların yuyulması və vergilərdən yayınma maddələri ilə cinayət işi açılıb. Şirkətin dörd əməkdaşı həbs edilib.
Xatırladaq ki, qurumun ofisində axtarışlar iyunun 2-də aparılıb. Bundan sonra xüsusilə iri məbləğdə pulların yuyulması və vergilərdən yayınma maddələri ilə cinayət işi açılıb. İstintaq çərçivəsində şirkətin dörd əməkdaşı həbs edilib.
