Xəstə uşağın fotosuyla 10 min manat pul toplayan dələduz SAXLANILDI
Uşaqların taleyindən sui-istifadə cinayətdir.
“TV1” xəbər verir ki, Daxili İşlər Nazirliyinin Kütləvi informasiya və ictimaiyyətlə əlaqələr şöbəsinin rəisi, polis mayoru Elşad Hacıyev sosial şəbəkə hesabındakı paylaşımında bildirib.
O məlumatda qeyd edib ki, Bakının Xəzər rayonunda sağlamlığı məhdud olan azyaşlının fotosunu sosial mediada paylaşaraq ianə toplayan 23 yaşlı Feyruz Qəhrəmanov polis əməkdaşları tərəfindən saxlanılıb.
O, xəstə uşağın adına açdığı səhifələr vasitəsilə 10 min manata yaxın pul yığmaqda şübhəli bilinir.
Paylaş
