Yekaterinburq hadisələrindən sonra sərbəst buraxılan Şahin Şıxlinskinin görüntüləri yayıldı - FOTO
Yekaterinburq hadisələrində saxlanılan və sonra sərbəst buraxılan “Azərbaycan-Ural” təşkilatının rəhbəri Şahin Şıxlinskinin ilk görüntüləri yayılıb.
“TV1” xəbər verir ki, Şahin Şıxlinski Tatarıstan Respubikasının rəhbəri Rüstəm Minnixanov, Tatarıstanın baş nazirinin müavini Vasil Şeyxrizayev və Sverdlovsk vilayətinin qubernatoru Denis Paslerlə birlikdə böyük mədəni tədbir olan “Ural Sabantuy-2025” bayramında iştirak edib.
Bayram tədbirinin çox maraqlı proqramı tərtib olunub. Belə ki, milli atçılar möhtəşəm göstərişlərlə çıxış ediblər. Sonra maraqlı idman yarışları keçirilib. Həmçinin, tədbirdə müxtəlif prizlər oynanılıb.
Qeyd edək ki, bu ənənəvi bayramda regionun 30 mindən artıq yerli sakini və qonaqlar iştirak edirlər. Onu da vurğulamaq yerinə düşər ki, bayram tədbiri regionda yaşayan müxtəliv millətlərdən, dinlərdən olan insanları bir araya gətirir.
Bayram tədbirindən sonra Sverdlovsk vilayətinin qubernatoru Denis Paslerin təntənəli qəbulu olub.
Yeri gəlmişkən qeyd edək ki, Şahin Şıxlinskinin bu tədbirdə yüksək ranqlı qonaqlarla bərabər olması ona qarşı əsassız iddiaların aradan qalxmasından xəbər verir.
