Abşeronda 38 yaşlı qadın qətlə yetirilib – Dayısı saxlanılıb

Qohumunu qəsdən öldürməkdə şübhəli bilinən şəxs tutulub.

“TV1” xəbər verir ki, bu barədə Abşeron rayon prokurorluğundann verilən məlumatda bildirilir.

Qeyd olunur ki, yanvarın 30-u saat 13 radələrində rayon ərazisində 1987-ci il təvəllüdlü Türkan Abdurəhimovanın öldürülməsi barədə rayon prokurorluğuna məlumat daxil olub.

Araşdırma zamanı 1967-ci il təvəllüdlü Şakir Rzayevin rayonun Masazır kəndi ərazisində bıçaqla xəsarətlər yetirərək qohumu Türkan Abdurəhimovanı qəsdən öldürməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Şakir Rzayev iş üzrə şübhəli şəxs qismində tutulub.

İbtidai istintaq davam etdirilir.