Ailələrinin xəbəri olmadan itkin düşən 5 nəfər tapılıb – DİN
İyulun 10-da Daxili İşlər Nazirliyinin əməkdaşları tərəfindən həyata keçirilən axtarış tədbirləri nəticəsində ailə üzvlərinin məlumatı olmadan yaşadıqları ünvanı tərk etdiklərinə görə itkin düşmüş kimi axtarışda olan 5 nəfər tapılıb.
“TV1” xəbər verir ki, bu barədə Daxili İşlər Nazirliyinin Mətbuat Xidmətinin məlumatında bildirilir.
Qeyd olunur ki, axtarış tədbirləri nəticəsində tapılan şəxslər aidiyyəti üzrə təhvil verilib.
Qeyd edək ki, DİN ölkə ərazisində vətəndaşların təhlükəsizliyinin təmin olunması və axtarışda olan şəxslərin müəyyən edilərək tapılması istiqamətində mütəmadi tədbirlər həyata keçirir.
Paylaş
